花臀瘦腿2[图]

发表于: 2003年05月11日点击： 1225 文章来源:

脂肪型

脂肪型的人缺少運動，容易令雙腳積聚脂肪。所以燃燒脂肪對呢類型人好重要，同時要令雙腳增加少許肌肉，咁雙腳先會變得有線條美。

A1.	雙手叉腰，背脊同雙腳都要直，眼要直望。
A2.	將腳跟慢慢提升，只用腳尖企好，重複做 10 次。有助增加肌肉及拉長腳筋。

B1.	好似海獅咁爬於地下，手肘屈曲平放，頭、腰同地下成 50 度左右。用一條有彈性的大橡筋綁住雙腳腳眼。
B2.	提起左腳，於空中停留 1 秒，然後換右腳，每邊做 10 次。

C1.	雙腳企直，腰要直，雙手叉腰，向直望。
C2.	腰要繼續伸直，其中一隻腳向前踏，後腳向下屈曲成L型。左右腳各做 5 次。

D1.	躺下，雙手平放身旁，雙腳一起提高，同身體成一個大L型。
D2.	慢慢將左腳向下屈曲，左腳再次提起同時，右腳慢慢向下屈曲，左右腳交替重複動作。

E1.	雙腳分開企好，與肩膊的闊度大致相同，雙手屈曲重疊。
E2.	上身固定一樣姿勢，下身慢慢坐低，好似坐無影凳咁樣，然後慢慢企返直。重複動作 10 次。